話說有一日編輯Kathy又要幫唔識用電腦嘅姨媽網購一堆家庭用品，畢竟老表唔得閑，但姨媽又心急想幫乖孫買咗先。Kathy正打算喺百佳買Pampers尿片個陣，㩒㩒下就突然見到「寄養媽媽拍住上」幾隻大字。
「尿片同寄養有咩關係呀？」Kathy心諗。好奇之下佢開始仔細望望「寄養媽媽拍住上」究竟係乜東東。
睇咗一陣之後，佢就即刻打咗電話俾姨媽。
「大姨媽～！」Kathy劈頭就好熱情地問：「你會唔會想買多幾包Pampers尿片啊？」唔知仲以為係拜緊年。
「咪話咗買兩包囉！愛咁多嚟做咩至得㗎？」
「唔係呢，買多兩包啦！最多嗰兩包我出錢，買滿$899就得㗎喇！」
「做咩呀？你有得分呀？」平時把口唔收嘅姨媽問。Kathy即刻解釋：「唔係我呀，係寄養家庭有得分呀！是咁的，只要買滿$899，Pampers同百佳就會代參與嘅媽媽送出一套『寄養媽媽拍住上心意包』畀寄養家庭。」
「哦，善事啊，咁你鍾意就買囉。」呢位大姨媽為善不甘後人，語氣立即柔軟下來：「不過，心意包有咩先？」
「心意包裡面會有家庭日常用品，牙膏、洗頭水、濕紙巾……好多嘢㗎！」Kathy如數家珍地回答，但一時間好難數曬出嚟，咁就望番「寄養媽媽拍住上」嘅資料，然後「咦？」咗一聲。
「做咩突然無聲嘅？手機又壞咗啊？」聽唔到聲嘅姨媽即刻好緊張咁問。
「唔係啊，我啱啱先睇到啲嘢。」Kathy驚訝地說：「原來Pampers同百佳都會出力，除咗心意包活動之外，佢哋仲為香港三歲以下嘅寄養兒童提供防疫用品，仲有一個月用量的Pampers 尿片。」
「好啊，幾實用，細路哥實用得著。」姨媽又忍唔住感嘆：「不過咁細個就要寄養，唉！都唔知有幾多細路都需要寄養，最衰我屋企無條件，已經要湊阿B，無時間同精力，照顧唔到多個細路。」
「係啊，好多小朋友未能得到原生家庭照顧而需要暫時安排到院舍，只有好少人先可以被寄養，得到暫時嘅照顧，同埋有家庭生活。」Kathy對寄養兒童都有了解，知道家庭照顧對佢哋童年非常重要。
「愈聽愈心噏……」姨媽低落地說，然後突然揚聲說：「哎呀，等我同隔離陳師奶都講聲，叫佢都買幾包尿片幫下手先。」
「啱啊，姨媽！大家就算做唔到寄養家庭，我哋都可以出錢出力㗎嘛！」Kathy安慰道：「更何況本身尿片自己小朋友都需要，幫到自己又幫到人，簡直係一舉兩得。」Kathy再落多兩錢肉緊。
姨媽催促道：「知啦，講咁多，仲唔快啲買！一陣個活動期過咗就無㗎啦嘛。」
喺姨媽點頭嗰刻，就已經畀曬錢嘅Kathy招積地說：「都係姨媽夠醒，又好心地～～我落咗單喇，你等到貨啦！」
現在購買Pampers不單是在呵護你的孩子，更是呵護更多的孩子。
凡於活動期間（2022年5月20日至6月16日）到百佳網店購買Pampers產品，每單買滿$899的交易，Pampers和百佳會聯同送出一套「寄養媽媽拍住上心意包」給予寄養家庭。如果有興趣出一分力，可以click 呢個網址。
不單大家出力，Pampers與百佳都會出力捐物資，為本港3歲以下寄養兒童（透過共11間非牟利機構*）提供防疫用品及一個月用量的Pampers 尿片。
*11間非牟利機構包括母親的抉擇、保良局、香港學生輔導會、東華三院、香港國際社會服務社、香港青少年服務處、仁濟醫院、聖公會聖基道兒童院、家福會、香港基督教服務處、香港路德會社會服務處。