有一日，哈彼里爸爸收工返到屋企，一打開門，就發現自己進入咗九又四分之三月台，阿仔披住條毛巾同佢講：「歡迎嚟到魔法世界。麻瓜！我依家挑選你加入我嘅『魁地奇』隊。」同時塞咗支棍畀佢，上面 DIY 痴咗妹妹嘅煮飯仔筲箕，地下仲有個乒乓波碌過。
哈彼里雖然唔知咩事令阿仔扮起呢套廿年前嘅電影，但佢心知，要令阿仔走出「幻想結界」就要好好同佢玩一場。終於，流咗一身汗，佢忍唔住問阿仔：「你做乜無端端走去玩『魁地奇』？」
「阿榮話佢暑假去咗玩呀！」哈彼里心諗，無理由吖，呢度係麻瓜嘅世界喎。
「係？咁正？係點㗎？」
「咪咁囉～」阿仔拎住自己支 DIY 球棍比劃著：「阿榮話一人一支球棍，棍前面有個網嘅，可以兜住個波向前衝，又要拋下畀隊友，仲可以撞人搶波都唔犯規添！不過係唔知點飛囉…」睇嚟阿仔終於回到現實，知道自己係唔識飛嘅……
呢個 moment 哈彼里爸爸已經心裡有數，阿仔講嘅並唔係「魁地奇」，而係 Lacrosse——「棍網球」。
想當年佢喺大學住 Hall 時都有玩過，呢種集速度、碰撞嘅運動好鬼刺激！講技術亦都講合作，而且男女都玩得，不過咁多年來仍然算係冷門運動。點解阿仔嘅小學雞同學仔會玩過呢！？
呢個時候，老婆大人塞咗部電話畀哈彼里～
原來佢喺兩父子玩緊嗰陣已經憶起嗰個曾經喺球場上揮灑汗水嘅老公，青春返晒嚟，叮一聲估到係「棍網球」，仲發揮媽媽谷嘅力量，知道原來同學仔之前係參加咗香港棍網球總會之前嘅Fun Day～
而喺嚟緊嘅 11 月 20 同 21 日～又有另一次「棍網球同樂日」！除咗小朋友可以親身試玩棍網球小遊戲，玩完有禮物可以拎，嗰兩日仲會有香港棍網球六人邀請賽，免費入場，等一家大細可以感受呢個運動有幾刺激緊張！
「喂～正喎，咁啱我哋今個星期六無活動，阿仔實鍾意～」
不過，哈彼里見到條報名 LINK，正想按入去，就被老婆大人搶返部電話！
「知你一定想去～但每個家庭只須遞交一份申請～我啱啱已經報咗啦！」
老婆大人果然幾時都係咁精明！每個家庭適用～
＝＝ 棍網球同樂日2021 ＝＝
如果你都想知「魁地奇」同「棍網球」有咩咁相似，想親身體驗下，記住一齊嚟 Fun Day 啦～
日期：2021年11月20及21日（星期六及日）
時間：下午 1 時至 6 時
地點：賽馬會香港足球總會足球訓練中心
活動費用：全免（需預先登記）