POPAsharing
386 views

DVD教材睇得多,BB語言發展反而仲慢咗?

Aug 25, 2017

宣稱有助腦力開發嘅DVD教材喺全球各地都大賣,因為好多家長都相信,俾BB睇多啲,學講嘢都會快啲。但原來呢個方法會令BB嘅語言能力不進反退?

 

早喺2007年,權威期刊《兒科醫學》刊登咗一篇華盛頓大學嘅研究,指出睇過呢啲DVD嘅BB,所學到嘅詞語數量反而比冇睇過嘅BB少好多;而觀看時數愈多,語言能力會愈差。

 

到底點解?《Nurture Shock》一書引述證據,指出其中一個原因係當BB學講嘢時,會望住說話者嘅口部動作。當嘴型配合說話聲,意味BB嘅視覺同聽覺同時接收緊訊息,專注力會提高,吸收到嘅野會更多。不過呢啲DVD入面,除咗唔會有活生生嘅人樣,亦有太多同畫面唔相關嘅旁白,而畫面同旁白都競爭緊BB嘅注意力,於是對佢地嚟講,睇DVD就同聽住一堆噪音冇太大分別。

 

其實想令小朋友有更好嘅語言能力,家長多啲同小朋友面對面傾偈反而更加有用!


資料來源:

Bronson, P., & Merryman, A. (2011). Nurtureshock. London: Ebury.

yes