POPArticles
249 views

小孩最怕食菜?

Mar 07, 2017

「爹哋,菜,唔好食㗎!」「爹哋,我唔鍾意綠色㗎。」「爹哋,乜乜乜。」為咗唔食菜,小朋友總是藉口多多!

大廚教路嘅網上資訊好多,話好簡單就可以令小孩食菜都食得開心。對於廚藝有天份嘅人,可能真係好簡單。但,對於在職爸爸媽媽、「無飯」家庭,幾日唔同菜色,唔同口味,仲難過返工同客做Presentation。

 

我自己,就係一個入廚房,都只係煮到白烚意粉嘅在職爸爸。煮飯唔在行,好在我識得做research,發現到原來除咗將菜煮到好靚之外,仲有其他方法可以幫小朋友多些食菜㗎!

 

  1. 原來小孩嘅味覺,係媽媽嘅肚裡面已開始形成。媽媽懷孕時多吃菜,有助孩子在第一次嘗試時,更容易接受菜的味道。
  2. 多點鼓勵小朋友,叫他們多嘗試不同的食物。只要他們肯吞,味覺就會漸漸習慣該種食物。
  3. 小孩其實會從父母的飲食習慣,去判斷甚麼飲食行為是正常和異常。「為甚麼爸爸媽媽都唔食嘅野,卻常常叫我多吃一點?」一字記之曰:身教!
  4. 如果星期六日有時間,就讓小孩一起幫忙做飯和準備食物吧。研究指出,當孩子們幫忙,在花園裡種植,在超市裡選擇,或在廚房裡準備疏菜,他們就會吃更多蔬菜。

 

以上幾點有研究支持,絕非亂說,對我囡囡而言第三點最有效,囡囡用藉口時,我可以理直氣壯咁同佢講:「爹哋媽咪都食好多菜㗎喎,不如我地一齊食啦!」

要小孩做健康的事,你必須身先士卒,成為小孩的榜樣!


作者:科豆,科學與老豆的合成體,喜歡與太太及女兒一同成長,遇到教女難題會上網找文獻的一個中年科學爸爸。

資料來源:Winning the war: How to persuade children to eat more veggies. (https://www.sciencedaily.com/releases/2017/02/170206131353.htm)

yes